من ديوان الشعر الحسَّاني : الْطِفْ بيَّانَ يالجوَّادْ..

دعاء..

الْطِفْ بيَّانَ يالجوَّادْ == اليوم ألِّ نِنْدَارْ افْ شَقْ
 أُ يَلْجَوَّادْ الْطِفْ بِيَ زَادْ == اليومْ أَلِّ عَنِّ يِنْشَقْ

أُ سَابكَْ ذاكْ امَّلِّ و أُرَاهْ == الْطِفْ بِيَّ مَا عَنْدِ مَاهْ
لطْفَكْ من شِ كََاعْ ابْمَزَّاهْ == مِرْجِ ذَاكُوَّ مُحَقَّقْ
أُ نَعْرَفْ عَنِّ حامِدْ للَّهْ == امْصَدَّقْ عَنَّكْ فَرْدْ أُ حَقْ
 أُ بِالرَّسُولْ امْصَدَّقْ مَعْنَاهْ == عَنِّ بِيكْ أُ بِيهْ امْصَدَّقْ.