من ديوان الشعر الحساني : فرحةُ العيديْن..

Mohameden Ould Sidi Bedena a ajouté 2 photos.

2 décembre 2016 · 

فرحةُ العيديْن..

ارفَعنَ يلّ بيكْ == رِفْعِتْنَ عند امْجيكْ
رايتن فتْنَ ذيكْ == يَلستقلالْ أمَّالْ
كَالْ الشعب امحيِّيك == ذاكْ ألِّ كَطْ انكَال
أَعليك ألاَّ كافيكْ == حدْ إكولُ مزالْ :
يا مورتان أعليك == امبارك لستقلالْ

أُ عِيدْ امَّلِّ تخليدْ == عيد المولود أُ شيدْ
بيه أُ تمْ أَلاَّ زيدْ == من لقوال أُ لفعال
فيه أُ من لَنَاشيد == فيه أُ من لحتفالْ
هاذَ الْعِيدْ السَّعِيدْ == ذاكُ من ساحل هالْ
وللَّ ذَ هَلْ العيدْ == منْ كَبلَ زادْ اكبالْ !

نَصرتْ سيِّدْ لُمَمْ == انَّ فالحالْ أهَمْ
و المآلْ اتقدَّمْ == فالحالْ أُ فالمآلْ
وِ إتمْ أَعلَ ذَ اليمْ == حدْ إربِّ لجيالْ
أُ يجتنَبْ حدْ إتَمْ == أُ يمتَثَلْ. لعتدَالْ
ابْ لجتنابْ إِتِمْ == أُ لمتثالْ أُ ذَ قَالْ

أُصايبْنَ ذَ تِكْلاَبْ == لَحْوَالْ أَعْلَ ذِ الحَالْ
من كلِّتْ لجتنابْ == أُ من كلِّتْ لِمتِثالْ