من ديوان الشعر الحساني : حسَنَاتُ الأَبْرَارِ سَيِّئَاتُ الْمُقَرَّبِينْ..

توبَ من لنفاقْ أَلِّ رَاقْ== برْفُودْ الدَّيْن إِلَى مَا لاَقْ
ماهُ بالدَّيْن ٱتْلَ لنفاقْ == أَعْلَ الضِّعْفَ و المَسَاكِينْ
من حدْ الْعَادَ عن لرزاق == ٱلْ لعبادْ إجُ مرسولين
أعلَ أَيدُ و إجوهم لخلاقْ == أَعْلَ أَيْدُ مرسولين إليْنْ
من لَرزاقْ أُ لَخْلاقْ ٱطْلاقْ == إعودْ ٱلْهُمْ فيْدُ لعوِينْ
أُ لا كانُ بيْنْ أُهَاذَ شَاقْ = ليْدين ٱكبلْ ذَ مَديُورِينْ
ذِ توبَ تكْدرْ ما تنساق == بيه ألِّ ماهُ ذَنْبْ الدَّيْنْ
و ٱشْكَالْ الْ لِنْفَاقْ الْخَلاَّقْ == خَبْرُ عَنْدُ فالدِّينْ ٱمْتِينْ
أُ فَضْلُ عَبْدُ ما عَنُّ ضَاقْ == و اعْبِيدُ ماهمْ متكَادِينْ
ابلنفاقْ ارفعْ فاتْ أَذْواقْ == وحديْن أَعْلَ وحديْن أَخْريْنْ
و الحَظْ أَرزاقْ ٱتْرَ شِ فاقْ == شِ فيهْ أُ فمْرُ مشتركينْ

و المُقرَّبِينْ أُ لَبْرَارْ == فِالدِّينْ ٱصْطَفَاهُمْ لَثْنَيْنْ
حَكْ ٱنْ حَسْنَاتْ أَبرَارْ اكْبَارْ == سيِّئَاتْ المُقَرَّبِينْ !