مدونة محمدن ولد سيدي الملقب بدنه

 من الأرشيف لا صيّفْ حدْ افْ ذَا الوَادْ  ينزادْ الوادْ ؤ ذَا امگادْ و إلى خرّفْ فالوادْ زادْ ينزادْ  الوادْ ؤ صَيْفُ معتاد إعود إلى ابعادْ و اخريفُ باسْتنكيفُ معتاد إعود  .الواد گادْ ملانَ من تصريفُ ما ينگصْ بلِّ ما انزادْ بيهْ افْ صيفُ واخريفُ !

  حد اكبيرْ امْن اگبِيلْ أصيلْ ؤ طبعُ تنزلْ فيه البركَ هو هو شرْكِتْ لِگبيلْ لا تحِكمكْ ذيك الشركَ!

  الجمعة  2  شوالْ  1442  هجرية . دراعتْ   ملگَ   ذيكيَّ ؤ   تمسيكَ   ذيكِ   عليَّ ؤ   شاة   املِّ   عيدْ   احذيَّ ماهِ   بالمنَّ   منيوشَ هاذُ   فخلاگِ   لكْ   هيّ لخلاگْ   افرجلكْ   مفلوشَ ؤ   خاترْ   لك   عن   ذوكْ   اغْوَيَّ ما   تگدرْ   بيهَ   تُحَوْشَ ؤتعگبْ   تعرف   عنه   ساعَ لعادتْ   ماهِ   منفوش تنحازْ   افْ   قيمتْ   درَّاعَ ؤ   قيمتْ   بوشْ   امْنْ   المِسْكْ   ؤوشَ ! محمد   بن   أحمد   بن   الميداح  " دمبَ " : الدراعَ   و   البوشْ   ابعيدْ فيَّ   مگَرِّتْهمْ   و   أكيدْ لجاتْ   امعاهم   شاة   العيد اتعود   القصَّ   متروش و   امنين   إِفُوتْ   إعودْ   افليْدْ عندي   ذ   كامل   مغروشَ ران   نگْبِلْ   ذيك   الساعَ ذ   الْ   بيهَ ...

 أضعفُ الإيمان.. ترجمة طبق الأصل  ذَ الدمْ ألِّ فالجرحْ اتشوفْ  ينزفْ من فلسطين أفهَمْ عنهَ تتبرعْ بيهْ أتَوْفْ لابنْ العَمْ الْ ما فيهمْ دمْ! رحم الله السلف وبارك في الخلَف .

حاجات   الخلق   نعم   الحق  .. الاثنين  29  مارس  2021 م لا   قصدك   حدْ   ابْ   همْ   أفهمْ عنْ   ذِ   نعمَ   و   احمدهَ   تمْ  للهْ   ؤ   عدلْ   همُّ   فَمْ بالرفقْ   إجازيكْ   المليكْ أعلَ   الحمدْ   ؤ   تعدال   الهمْ واعلَ   ذاكْ   الرفق   إجازيك   ؤُ   لاَ   تحقرْ   حدْ   أُلا   تابَ گاعْ   الْ   حدْ   الخلقْ   ألِّ   إجيكْ ما   يخْطَ   من   مولْ   إِجابَ يدْعيلكْ   وللَّ   زادْ   أعليكْ  ! رحم   الله   السلف   وبارك   في   الخلَف .

 رثاءُ الشيخ بن احمادَ بن محمدُّ بن اپَّا الأبهمي الشيخ اغلبنِ نجبر بيتْ و اتْمَغنيْتْ ؤ لا  تافلويتْ بيهم نرثيهْ إيلين اعييتْ وان والشعر اتراوِغْنَ ؤ كيفُ لغنَ وامعاهمْ جيتْ فُمْ أعل ياسر بالغْنَ حگْ انَّ فيهْ ؤلا شفريْتْ فيه إيلَ گاعْ ادَّالِغْنَ ألاهِ عن عدتْ إلى ولَّيْتْ الشعرْ ؤ لغنَ نستغنَ ؤ سابگ ما گلتُ شمَّغنيهْ آنَ من لزمِ نتمغنَ شعرِ بيه اغلبنِ نرثيهْ واغلبنِ نرثيهْ ابْ لِغْنَ ! رحم الله السلف وبارك في الخلَف.

. التاريخ  :  الأحد  03-01-2021  م أسْكِ   يَتَصْرِيفْ   الجليلْ مَذَ   تِبْعِدْ   منِّ   مِنْ   كيلْ دشرتْ   تَرْمَسَّ   كنتْ   اگبيْلْ ألاَ   دونْ   المقدَّرْ     عَسَّ ؤ طيتْ افْ ترمسَّ ظرك امگيلْ  ؤُ   عدتْ   افْ   تَرْمَسَّ   نِتْمَسَّ وإجينِ   فيهَ   عدتْ   اللَّيلْ ؤُ   نِمْشِ   سارِ   مِنْ   تَرمَسَّ ! رحم   الله   السلف   وبارك   في   الخلفَ .

  خاطرْ   لا   خاظْ   اعلَ   لعيونْ ماشِ   وللَّ   راجعْ   من   هَوْنْ افْ   لعيون   احسانُ   مضمون كانْ   اخطمْ   لِگْلليْبْ   امناظرْ عادْ   النزاهَ   يِكْصِفْ   دُونْ الطلعَ   عندْ   إجِ   ناظرْ شرگُ   بيْظَ   دارْ   ؤُ   يسوَ شِ   فم   الخاطرْ   يِتْنَاظِرْ حالُ   وأحمدْ   جدُّ   يسوَ حاظر   واسوَ   ماهُ   حاظرْ  ! رحم   الله   السلف   وبارك   في   الخلَف  .

  عگبنَ للفين ؤُ عشرين اعگوبتْ خير ؤ يالقديرْ ديرْ انَّ عاگبهَ فَلْفيْن ؤ واحد زادْ ؤ عشرينْ الخيْرْ رحم الله السلف وبارك في الخلَف .

  من   صفحة  Mohameden Ould Sidi Bedena الأربعاء  16-12-2020  م الحمدُ   لله  .. حامدْ   حمْدْ   أعليَّ   يِِفْرِظْ يا   ربِّ   هواكْ   الْ   عاطيهْ ؤ   ذَ   تنفاسِ   يرگبْ   و   إگظْ منُّ   ماهُ   منْ   شِ   خاطيهْ  ! رحم   الله   السلف   وبارك   في   الخلف  .

من صفحة Mohameden Ould Sidi Bedena التاريخ : 8 دجمبر 2020 م استشفاء لخليلي الخليل بن الشيخ محمدُّ بن  محمدْ الكبيرْ -  ابَّاهْ علماً - بن محمْدي بن عبد الله بن أنحوي حفظه الله و رعاه : يَبَرْكِتْ مزَّاك أعْلَ ذوكْ وأعلَ ذوكْ ؤ يَبَرْكِتْ بوكْ ؤ بوهْ ؤبُذاكْ اگْبَللْ نسموكْ نسمُ ذوك أبركتْ بُ ذاكْ أ بُ ذاكْ اصَّ من فم انجوك وافهمْ عنك ذاك إلذاكْ يشفيكْ ..  أعرفْ عنَّ نبغوكْ تبرَ  بركتْ كِثْرتْ مزَّاكْ يالخليلْ ؤ ذَ ذَ گدُّ زادْ ؤُ بركتْ محمدُّ  بوك الشيخْ ؤ بوه ؤ جدُّ ابَّاهْ ؤ محمْدي يرعاكْ ؤ عبد اللهِ بوه انعدُّ ؤ بُذَاكْ  أنحوِي ذاك الْ  جاكْ أسمك ذاك اصَّ من گَدُّ يالخليلْ ألِّ فاتْ احظاكْ  و اجبرتْ ؤ ذَ معناهْ أبيظْ حظْ أرذاكْ انتَ و أياكْ  ألَّ تعرف عن ذاك الحظْ هاذَ لَسْمْ احظرْ فيه امعاكْ! رحم الله السلف وبارك في الخلف .

في رثاء الإمام العبد الصالح الساعي في المصالح : عبد الله بن أحمدُّ بن حمداً بن محمد فال بن أحمدْ بن محمد العاقل تغمده الله برحمته الواسعة : طِ من لطفك قدر إسلِّ ذَ الزرْ الگبلِ و التلِّ عاگبْ "داهي " و ارحمْ يلِّ داهي ماهُ عنكْ لاهيِ داهي و ألِّ زادْ امخلِّ  تلطفْ بيهمْ يا ذا الجاهِ أُ بوْلادْ  املِّ حاجلِّ خُ و أخواتْ ألانِ ساهي  داهي كيفْ أولادْ املِّ  خالاتُ و أخوالُ لاهِ بولادْ العمْ اصَّ نختمْ أُ داهي كانتْ بيهْ اتباهي ياللهْ الطف بولادْ العمْ يا ذا الجاهِ عاگبْ داهي ! رحم الله السلف و بارك في الخلف .

نصيحة لأئمة أهل السياسة و عامتهمْ التاريخ : الثلاثاء 7 يوليو 2020 م قال الأديب عبدُ ولد أحمدْ يوره : أَحِرْسُ مَرَّاتْ مَاهِ حِرَاسَ وَحْدَ لبْلَيْدَاتْ أَلِّ حَسَّاسَ و قلتُ مطلِّعًا : حگَّ  يَنَاسِ ألاهْ انِّ ناسِ منكمْ سياسِ يهلْ السياسَ عسُّ و امواسِ عنكمْ عسَّاسَ من شِ متواسِ ماهْ أَعْلَ اكْيَاسَ أُ من حدْ إواسِ ش ما يتواسَ أَحِرْسُ مَرَّاتْ مَاهِ حِرَاسَ وَحْدَ لبْلَيْدَاتْ أَلِّ حَسَّاسَ حفظ الله بلادَنَا .. رحم الله السلف و بارك في الخلف .

دعاء للشيخ عليٍّ الرضا الصعيدي .. هذا الشيخ أل خير عامْ == دَيْنُ ذَ مرفودِين أفَّامْ  بيه امْن ألِّ لُ عاد أعوامْ == لِخيام أ هو مِنْ حِينُ دَيْنُ رِفْدُ رافِدْ لخيامْ == بيهْ أمَّالْ الخلق اعْوِينُ نايط بيه اجِ عندُ تامْ == أ نايط بيه امَّلِّ دِينُ يا ربِّ يالحيْ الكَسَّامْ == اتْعِينُ و اخلَّصْ دَيْنُ   و اتلاميدُ تفرح بمرُ == أ تتباشر بيه امدايينُ ألا يسمع حد اتلَ خبْرُ == ألاتَ حدْ اشِدْ افْنِينُ ! رحم الله السلف و بارك في الخلف.

من أرشيف الصفحة .. ذِكرَى من الحوض.. سبتمبر 2016 م يَالحَوْظْ الدُّونِ مِنْ لَحْيَاظْ فِالطَّرْفْ أَلِّ گاعِــدْ فــَــعْرَاظْ أَلِّ خَاطِمْ لِعْصَابَ خـــَــاظْ نـــــَـــافِدْ ذِ ليْدْ الشَّرْگِـَـــيَّ دَهْرِ فِيكْ اگْصِفْ غيْر ٱعْراظ أُلاَ نرْخِ عَهْدَكْ بَيْـــــــدِيَّ وانَ كـــانْ ابْعدْتّكْ وَخّــاظْ أَعليكْ افمَشْيِ وامْجِــــــــيَّ أُلاَ نرْفِدْ عنّــــــــكْ - يَلُخــاظ شَوْفَكْ  ماكِنْ لِ - عيْنِـــيّ وَ انْشُوفْ امَّاضعْ فــَـمْ اغْلاظْ عنْدِ هومَ گاعْ الْبيَّ أُ نتْوَعّظْ.. وِ التُّوعَاظْ الْ عَـاظ أَعْليهْ وُعــــــــاگِدْ لُ نِيَّ قصْدَكْ بيـــــــهْ ادّوّرْ نغْتـاظْ أُ ننْسَ خيْرَكْ منْ ناحِـــيّّ فِيّ يالحَوْظْ أُ فِالتُوعَـــــــاظْ امًابِ تِرْخِيــــــلِ لَيَّ وَ أَلاَّ مـــــَــانَكْ بـاخلْ كـانِ ننْسَ مَگْسَ ذيك أَعْلِيَّ خيْرَكْ فِيَّ .. صرْتكْ مَـــــــانِ لاَهِ نَنْسَ خَيْـــــــرَكْ فِــيَّ! رحم الله السلف و بارك في الخلف.

الإحتفال بالاستقلال في كبتال على شارع جمال... يعكل ذ شارع جمال   أ ذَ يوم أعلين الاستقلال أ ذِ ظرك املِّ كبتال   أ ذَاك أفطن عنُّ راص أخبار أ حَد افكبتال إيل جال عندِ عنهَ ما فيهَ عارْ ألاَّ يحصلُّ لحتفال ولَّ  يحصلُّ لعتبار  أسكِ يتقلُّبْ لحوالْ  كل ليل  فيه أُ  كل انهارْ  ذَ بل ابلكات أ مزال يعدل عمارات اكبار ما عاد اعمار  ألا ينكال  زاد املِّ عن قفار أ هاذَ بل اديار ال عمالْ فالدولَ  و اديار ال تجار ماهُ عنهمْ قفار اكبالْ  أ لا ينكال انهم زاد  اعمار و الدهر انهار إعودْ اقبال يعي و انهار اعود  ادبار  أ مارتْ عن لعباد امتلكُ ملكْ امتين أعليه المدارْ تقلُّبْ لدهار الملك للهْ الواحدِ القهارْ ! رحم الله السلف و بارك في الخلف.

عود إلى موضوع الوحدة الوطنية.. 19 . 1 . 2018 م مُورتانِ حد اتخمَّمْ == سيان كَانْ ٱفْيَمْ الهَمْ شعبُ و إدور إتَمْ  افْ يَمْ ==  زادْ الهم اف مورتان سيَّانِ و ٱنْكِدْ ٱنْعَمَّمْ == و ٱنْخَصَّصْ ذاكْ أَلِّ عَانِ سيانِ كَوْرِ فيهْ إِتَمْ == أُ بظانِ  فيهْ أُ سيَّانِ  سِرْغِلاَّوِ كَاعْ افْمُورِ == تانِ هو و البظانِ و الحَرْطَانِ و التَّكْرُورِ == و الْوُلْفَاوِ و الْفُلاَّنِ ! عشنَ سابكْ لسلام أَيامْ == لختلاف ألِّ فين دَامْ و ألاَّ جانَ لسلامْ أُكَامْ == ٱمكَانِ مَاهُ متْحانِ ذَ الشَّعْبْ أَعْلَ لِسلامْ العامْ == أُكَامْ الشعْبْ أَعْلَ ذَ هَانِ  أُ مِتْكَانِ و إدوَّرْ لِسْلامْ == إِتَمْ أَلاَّ زَادْ ٱمْكَانِ  سِرْغِلاَّوِ كَاعْ افْمُورِ == تانِ هو و البظانِ و الحَرْطَانِ و التَّكْرُورِ == و الْوُلْفَاوِ و الْفُلاَّنِ ! هِيَّ مُورتَانْ أَلاَّ عَيْنْ == فِيهَ ذَاكْ التِّشْكَالْ الزَّيْنْ لَوْنَيْنْ أُلاَ فِيهُمْ لَثْنَيْنْ ==  ٱلْ صايِبْ عن ذَاكْ الثَّانِ أُ لا فيهم واحد للعَيْنِينْ == للشَّوفَ عن لَوْخَرْ غَانِ أُلاهمْ فيهم بَرَّانيِّينْ == أُ ذَ كيفتْ ع...

سجالٌ في الشعر الحسَّاني حول مكتب التصويت في انْوَاوْدارْ.. ابَّان الانتخابات البلدية و النيابية 2013 كان أخونا المختار ولد السالك موظفاً فى اللجنة الوطنية المستقلة للإنتخابات. وبإعتباره أحد وجهاء منطقة الظهر في ولاته و من الفاعلين السياسيين بها ، طالب باسم الناخبين المحليين في حاضرة انواوْودارْ بافتتاح مكتب تصويت هناك، فحالت دون تحقيق طلبه المعايير المتّبعة في هذا المجال،فعبّرَ عنْ ذلك تعبيرا ادبيا يطفحُ بالأصالة والتّشبُثِ بالتراث، و هو كما هو معلوم من أكبر "المفتوحين" في أژَوان في البلاد : سَيْنِ تِفلّاشْ أعهودْ امعانَ منْ دهرْ الشُّوگَ والِّ طارِ من شِ مردودْ افذَ من حالَ مدلوگَ ماهُ منْ "سيْنِ " لاهِ إِعودْ ذاك الّا منْ "تَنَچُوگَ " !! و كانَ من جوابنا له آنذاك : عربِ منْ مدَّ موْعُودَ لاجَ فمْسَالَ مَلْحوگَ لكْبِِيلَ بيهَ مقصودَ لاَعادتْ ماهِ ملعوگَ الّا يجبرهَ مگْيُودَ ولَّ  يجبرهَ مصيوكَ! رحم اللهُ السلف و بارك في الخلف.

نصيحة لأئمة المسلمين و عامتهم:  يحد اطَّاماك التخمامْ گللْ فيه أگصَّفْ لكلام أنت فت ادعمتْ النظام موقف عندكْ فيه أنت حِرْ و النظام أفطن مالُ عامْ و السياسَ فيهَ لعبرْ أضمير الحر اعيَ ينسامْ و أعي ينفع و إظرْ الحرْ و المواقف ما تستقامْ لا گاديتْ امعاهَ لعمرْ ما گطْ الواحد منهَ دام أعلَ حالْ أُ ذ فيهَ حِرْ ألا بينك و النظام أعظامْ أ يعگب بزولْ الخير إدِرْ أُ حالكْ صِبْرُ لك بيهْ أعوامْ أ تم ألاَّ حاول بيه اتجِرْ أ عس امن افطورْ الصيد الْ صامْ عامْ أُ فَطْرْ أعل گد اظفر من ش ما من طبع الصيام  ألهَ عنُّ بفطور إسِرْ و احذر من تخمامْ إجِ جامْ بكلام اعل وذنيكْ إجِرْ للشوفَ ينگال انُّ عام يبرَّ غيرْ افلوذن مرْ عنَّكْ داعم حتَّ يغير ما خالگْ لك ماهُ تصبر و أثرك ما مرجِ منَّك خيْرْ ولَّ ما مِخْشِ منَّكْ ضِرْ ! رحم الله السلف و بارك في الخلف.

18 يونيو 2017 : شِ للْعبدْ المَوْلَ عَاطِيهْ == كَانْ ٱبْطَ ذَ مَاهْ ٱمْبَطِّيهْ عن تجالُ ذاكْ أَلِّ فيهْ ==  لُ مكتوبْ أُ حدْ موحَّدْ إيلَ كَانْ ٱعْليهْ  ٱعْجَلْ بيهْ == يِحْمِدْ لُ ذاك  أُلاَ يَجْحَدْ  عن عربيه اعجَلْ بيهْ أَعليهْ == أُ كَانْ ابْطَ يوكَفْ عنْدْ الْحَدْ أَلِّ لُ فاتْ أَصْلاً عَرْبِيهْ == منْ عندْ الراصْ افْشَرْعُ حَدْ مُلاَنَ عَزَّ و جَلَّ == مَعْطاهْ ٱلْ عَبْدُ مَا يِنْحَدْ  يَعْجَلْ وَقْتْ أُ يَبْطَ وَٱلَّ == بَاشْ ابْطَ بَاشْ ٱكْرَابْ الْ حَدْ! رحم الله السلفَ و بارك في الخلف