بيني وبين الأستاذيْن الحسنييْن : محمدْ بوبوه وعبد الله ولد احمَيِّدْ حول مبادرة الحسنيين بالمساهمة في الجهاد في غزّه ..
بيني وبين الأستاذيْن الحسنييْن : محمدْ بوبوه وعبد الله ولد احمَيِّدْ حول مبادرة الحسنيين بالمساهمة في الجهاد في غزّه بمبلغ مائة (100) مليون أوقية قديمة ..
قلت منوها بالمبادرة :
ذَ مِنْ مليون إج ممدودْ
أعلَ أيدينْ اشهُودْ ؤُ مقصودْ
بيه الجهاد الناسْ اشْهودْ
ؤُمِسْخِ بيه ؤلاهُ ممنون
للفلسطينيين ابْرودْ
أعليهم جاهم هكْ ؤ هونْ
فبلدهم كان الهمْ مكرود
معطَ هو كانْ الْ المظنونْ
اعلَ لخوالْ .. الْهُمْ معهود
ؤلاهُ من هَون ؤدُون .. ؤُهُونْ
معطَ ميت أعليهمْ معدود
مليون ؤ ميت املّ طونْ
موزونْ ؤ تگريِّت ش كَوْدْ
تگْريتُ زاد امْنْ المتون
ؤخبرَ فالدين ابلا حدودْ
والخبرَ فنْواعْ الموزونْ
هاذَ كاملْ سِرْ امْن اجدودْ
وابّاتْ الْهُمْ.. ما دونُ دُونْ
اعطاهمْ مولْ العَوْن الجود
فاتُ واعطاهُمْ مُولْ العَوْنْ
امْعَ الجُودْ العِلْم الموعود
والدين ؤ طاهمْ ش متقونْ
من الآداب ؤُ زيْن ؤ مَرْفُودْ
معناهَ عندِ فالمضمونْ
عن جود ؤ علم ؤ دينْ إدابْ
لحسن فيهم ماهُ من هَوْنْ
ؤ دُونْ ؤعنهم فيهم الآدابْ
كامل ماه من هون ؤ دُونْ !
أخوكم/ محمدن بن سيدي الملقب بدنَّ
فأجاب الأستاذ محمدْ بوبوه بقوله :
من شُوركْ يَبَدِّنَّ جاتْ
طلعَ زينَ فيهَ تِنْعاتْ
مَگَرِّتْ ذاكْ ألِّ وسّاتْ
ابْلِحْسَنْ من خصلاتْ الجودْ
وامنْ إعَانتْ غَزَّ وامشاتْ
ذيك الطلْعَ فالناس اتلُودْ
أحَدْ امْنْ أهل الجود إلى فاتْ
ذاك أَعليهْ أَلاَّ فاتْ إعودْ
أبَدنَّ من مَكَرّتْ فيهْ
فعلْ الخير اللهْ إجازيهْ
مَشَّ طلعَ زينَ تَنبيهْ
أيّاكْ الْ فِعْلْ الخير اتگُودْ
وابَّيْر التورس گاعْ أَعْليهْ
عَارْ الجودْ أمَجْهورْ افْ گَوْدْ
العلمْ ألخلاقْ أَوْلَ بيهْ
گاعْ افذاك ألاَّ كُبرْ العُودْ
وامْنْ اجْمَاعِتْ ديمانْ اتْجيهْ
وخيرتْ امنْ اتمعليمْ أشَوْدْ
وابْگَ ياسَرْ حَدْ إخَليهْ
ألاَهُ بعْدْ امّلِّ مَجحودْ
يغيرْالتصْريحْ اتْجَولِيهْ
فيه أَلاَّ توْكيدْ المقصودْ
ؤُ لا ريْنَ مالْ افمَلّتْ سِلْمْ
احمَدنَ لله المعبودْ
ألاَّ منكمْ مَرفُودْ ؤُ عِلْمْ
ريْناهْ ألاَّ منكمْ مرْفُودْ !
ثم أردف الأستاذ عبد الله ولد احمَيِّدْ قائلا :
بدنَّ ما غريبْ اغناهْ
الزّين ألِّ گالْ اسمعناهْ
گوّتْ زاد ابْلحسن مبناه
ؤ معناه ؤ متقون ؤ معتونْ
اعليه.. اعطاه املِّ ماهْ
اغناه افْ شكلُ والمضمون
وامنيْن اسمعناه الحگناه
أشبهْ من ميتْ اصَّ مليُون
بدنَّ فالمتونْ اعطاهْ
والقانون الله الْ مكنونْ
امْنْ الفهم ألِّ طاهْ اللهْ
للمتُون ؤ فهْم القانون
بَخْوالُ يعرف مذالُ
منهم شِ إكونْ ؤلاهمْ دُونْ
ؤُ تعرَف عنُّ زاد أخوالُ
ماهُ دُونْ ؤ منهم شِ إكونْ !
رحم الله السلف وبارك في الخلف .
Commentaires
Enregistrer un commentaire