ديوان الشعر الحساني:التشواش..

التِّشْواش…

ما عندِ شَوْرْ انصِدْ أعليهْ

عنْ تشواشِ ما جان فيهْ

التشواشْ أ عادْ أبَديهْ

ماتَ عنِّ گاع إرَيَّشْ

كانْ امْعَ راصْ الهول امجِيهْ

أ كل اظْهَرْ فيه أعليَّ خَشْ

جانِ شور "أشيَّارْ" الْهيْهْ

أ جانِ شور املِّ "لحرش"

و امعايَ حرَّشْ ما نبغيهْ

كانْ امْعَايَ بعدْ إحرَّشْ

گِمْتْ أُ گِلْتْ انِّ مِتْبرِّيهْ

و اگْرِجْنَ زادْ اكلام أحرش

ؤ عدتْ اصَّ من فَمْ انداريهْ

عنِّ وأثْرْ الخلاَّيْ أحْرَشْ

گاطعْ لِ يلِّ يگطعْ بيهْ

تَگَطاعِتْ حدْ امفلَّشْ

و اعليَّ شَوْرْ "اجِّمْ" اهْجِمْ

أُ شَوْرْ المشَّوّشْ جِ وابطَشْ

فِيَّ .. شَوَّشْنِ شَوْرْ "اجِّمْ"

أشوَّشْنِ شَوْر"المِشَّوَّشْ"!

رحم الله السلف وبارك في الخلَف .