من ديوان الشعر الحساني: وخيرت..خطابا للشيخ علي الرضا الصعيدي

وخيرت..

وخيرت اسلسل شفناهَ == معناهَ فيكم معناهَ

عن ظاهر فيكم معناهَ == يالشيخ الرضى ذَ مَزْيُودْ

ماهُ منكوص افهمناه == عند ٱمنين انتَتْرُ لعْكود

ذكرُ وخيرتْ اسمعناهَ == فتنَ من قديمْ العُهُودْ

جات أَعْلَ وحد حزناهَ == زادتْ شِ كان أصلاً موجودْ

من وخيرْت ٱحن كلناه == كول ما فيه شِ مجحودْ

جاب الصعيد لوَّلْ جيلْ == وحدَ عند ٱمجيه ٱلْ لكبيلْ

أُ سن اطريك ٱلْ وخيرتْ ٱطويل == و اعريظْ أُ تم أَلاَّ مكرود

أُ خلّ ش من وخيرت أصيل == فولاد تم ألاَّ موجود

و أعليهم مفصل تفصيل == معناهَ مكطوع أُ مكدود

أُ لَعادُ كاعْ أَعْلَ سبيلْ == وحديْنْ ابصيتْ ٱلْهُمْ مرفود

كيفتهم وخيرتْ ابْذِ الحيلْ == ماهم كيفتهم بعد ٱجدود

و امنين الْ تحصر وخيرتاتْ == حصرَ ماهِ كِدْ الحصْراتْ

و اتجيهَ وخيرْتاتْ أَشتاتْ ==  واتعود الناس أُكوفْ ٱشهودْ

و ٱكْعُودْ ادَّوْرْ التوْ ٱلْ جاتْ == وخيرت الشيخ الفوكْ ٱتعودْ

أُلا تطاماهَ وحدَ تاتْ == أُ محالْ اتعودْ ٱمعاهَ كَوْدْ

أ ذَ ماهُ عن لخراتْ ٱدناتْ == غير ألاَّ كصفتْ عن حدودْ

وخيرْت الشيخْ الرضا فاتْ  ==   ودُّ بِيهْ كط الوَدُودْ

وخيرْتُ من نوع أصلُ خاصْ ==  أ هُوَّ بَلْ ٱلْ وَخْيَرْتْ أَشَوْدْ

ماهِ مَجْهُورَ عَنْدْ الرَّاصْ ==ْ  كَاعْ ٱمْعَ وخيرْتاتْ ٱفْ كَوْدْ !